Men yozgi ta'tilda ikki oy muddatda Vatel dasturi orqali amaliyot o'tash uchun Fransiyaga tashrif buyurdim. Amaliyotning faqatgina 18 kuni o'tganiga qaramay taasurotlarim bir dunyo. Amaliyot davrida menga biriktirilgan ustozlardan sohaga tegishli ko'p tajribalar o'rgandim. Bundan tashqari dam olish kunlarimda Fransiyaning boy tarixga ega shaharlari: Nimes, Lyon, Parijga sayohat qildim.

Menimcha bu yilgi yozgi ta'til mening hayotimdagi eng esda qolarlisi bo'ladi. Fransiyaga tashrifim davomida ko'p hayotiy tajribalar ortirdim sohamga tegishli bir qator amaliy ko'nikmalarni egallayapman. Shu bilan birga Tunis, Hindiston, Rossiya va yevropaning qator mamlakatlaridan tashrif buyurgan tengdoshlarim bilan fikr almashish va ular bilan do'stlashish imkoniyatiga ega bo'ldim.

Mehmondo'stlik sohasida tahsil olish meni tubdan o'zgartirdi desam mubolag'a bo'lmaydi. Yevropaga tashrifim davomida yangi bilim va ko'nikmalarni o'rganish orqali hayotimga boshqa maqsadlar qo'ya boshladim. Kelgusida bakalavr dasturini yakunlagach magistratura bosqichini davom etiraman va mehmondo'stlik sanoatida karyeramni yanada rivojlantirish niyatidaman.

Dunyo bo'ylab sayohat qilish mening yoshlikdan butun umirlik orzuyim edi. Men bu orzuga yetishga yana bir qadam yaqinlashdim. Chunki qisqa davrda yevropaning turli shaharlariga tashrif buyurishga ulgurdim. Ushbu sayohatlarim davomida ko'p odamlar bilan suhbatlashdim. Ularning madaniyati bilan yaqindan tanishdim.

Ushbu ta'til mening hayotimda katta burilish yasadi desam bo'ladi. Work and Travel dasturi orqali Germaniyaning Myunxen shahriga yozgi ta'til davomida ishlash va sayohat qilish uchun keldim. Nemis millatining shahrsozligiga va madaniyatiga alohida qiziqishim paydo bo'ldi. Kelgusida shunga o'xshash dasturlarga qatnashib ko'proq davlatlarga sayohat qilmoqchiman.

Sayohatim maroqli o'tmoqda, ko'p do'stlar ortirdim. Ko'p shaharlarda bo'lib nemis xalqining madaniyati bilan yaqindan tanishdim. Kelajakda yaxshi kasb egasi bo'lib yevropa bo'ylab oilam bilan sayohat qilmoqchiman.

Buxoro davlat universiteti va Fransiyaning Vatel mehmonxona va turizm biznes maktabi bilan hamkorlikdagi qo'shma dasturda tahsil olish menga ko'p imkoniyatlar yaratib berdi. Men dasturning uchinchi bosqichida amaliyot o'tash maqsadida Fransiyaga tashrif buyurdim va ikki oy davomida xalqaro muhitda o'qib o'rgandim, dunyoning turli mamlakatlaridan kelgan talabalr bilan do'stlashdim.

Talabalik davri insonning oltin davri deyishadi. Men Buxoro davlat universiteti va Isroilning Holon texnologiyalar instituti bilan hamkorlikdagi qo'shma ta'lim dasturi 3-bosqich talabasiman. Ta'tildagi vaqtimni samarali o'tkazish va sayohat qilish maqsadida "Work and Travel" dasturi orqali Germaniyaga tashrif buyurdim.

Buxoro davlat universiteti va Indonesiyaning Gunadarma universiteti bilan hamkorlikdagi qo'shma magistratura dasturida tahsil olish menga bugungi raqobatga to'la ishchi bozorida kuchli karyera bilan kirish imkoniyatini berdi. Bundan tashqari Indonesiyada tahsil olish davomida ko'p do'slar ortirdim, tajribalar o'rgandim.

Indoneziyada o’qish jarayonida yangi texnologik va innovatsion jihozlangan xonalarda amaliyot o’tadim. Bu menga katta tajriba maktabi bo’ldi.Indonez xalqi o’zining xushmuomalasi va madaniyati jihatidan menda katta ta’ssurot qoldirdi. Shuningdek, Indoneziyaning Depok shaxrida yashash va indoneziyalik talabalar bilan birgalikda ma’ruza va seminarlarda, yangi loyihalarda birga tahsil olish baxtiga muyassar bo’ldim.

O'qish davomida Indoneziyadagi eng qadimiy Qur’on kitobi nusxasini ko’rish baxti bizga nasib etdi. Barcha o’zbekistonlik talabalar kabi men ham bir olam ta’assurotlar bilan buxoroga qaytdim. Gunadarma Universiteti ma’muriyati Jakartaning Taman mini indah bog’iga sahoyat tashkil qilib berdi. Buning uchun Gunadarma Universiteti va Buxoro davlat universiteti professor ustozlariga o’z tashakkurimni bildiraman.

BuxDU qo'shma dasturlariga o'qish mening hayotimni tubdan o'zgartirib yubordi. Indoneziyada o'qishim mobaynida ko'p tajribalar to'pladim, hayotga yangicha nigoh bilan qarashni o'rgandim. Indoneziyalik kursdoshlarimiz bilan bir xil proektlarda ishlash orqali xalqaro muhitda jamoada ishlash qobilyatlarini egalladim.